Qostanaı oblysynda 2 myń jumys orny ashylady

<p>QOSTANAI. KAZINFORM &ndash; Qostanaı oblysynda 2024-2026 jyldar aralyǵynda quny 225 mlrd teńgeni quraıtyn 130 ınvestıtsııalyq joba júzege asyrylady. Sonyń arqasynda óńirde 2 myń jumys orny qurylady degen jospar bar.</p>

Bul rette aýyl sharýashylyǵy salasy aldyńǵy orynda tur. Munda 15 jobany júzege asyrý úshin 107 mlrd teńge bólinbek. Naqtyraq aıtqanda óńirde 50 jumys ornyn qura otyryp, burshaq daqyldaryn óńdeıtin tolyq tsıkldy fabrıka «AC Agro» JShS-syn salý kózdelip otyr (qýaty jylyna 100 tonna ónimge laıyqtalǵan, 2026 jyly iske qosylady). Sonymen qatar astyqtyq tereń óńdeıtin quny 50 mlrd teńge bolatyn «QostanaiGrain Industry» JShS-syn aıtýǵa bolady (2027 jyly iske qosý josparlanyp otyr). Atalǵan joba júzege assa 600 jumys orny qurylady.

Óńirde shokolad óndiretin «Baıan sulý» AQ-yn keńeıtý josparlanǵan. Bul rette 260 jumys ornyn quryp, 14,3 mlrd teńge ınvestıtsııa tarta otyryp, jańa óndiris qurý josparlanyp otyr. Búginde qajetti qarjynyń 5 mlrd teńgesin «Tobyl» ÁKK» AQ-nyń bıýdjetin tolyqtyrý arqyly jergilikti bıýdjetten bólý qarastyrylǵan.