Qostanaı oblysynda 15 aýyl alǵash ret ortalyq sýmen qamtylady

<p>ASTANA. KAZINFORM &ndash; Oblysta &laquo;Úıge sý&raquo; jobasy aıasynda 2 jyl ishinde 55 myń úı sýǵa qosylǵan. Tolyǵyraq óńir ákimi Qumar Aqsaqalov aıtyp berdi.</p>

- Bıyl sýmen qamtý jáne jabdyqtaý baǵytynda jalpy quny 20,0 mlrd teńgege 77 joba qolǵa alyndy. Sonyń nátıjesinde, 15 aýyl alǵash ret ortalyq sýmen jabdyqtaýǵa qosylady, 41 aýylda keshendi blok-modýlder men sý taratý beketteri ornatylady, sonymen qatar 4 aýyl men 4 qalada sýmen qamtý deńgeıi jaqsarady, - dedi Qumar Aqsaqalov óńirdiń áleýmettik-ekonomıkalyq damýy týraly esep bere turyp. 

Qumar Aqsaqalovtyń aıtýynsha, óńirde iske asyrylyp jatqan «Úıge sý» jobasy aıasynda 2 jyl ishinde 55 myń úı sýǵa qosylǵan. 

- Aýyl turǵyndaryn sýmen qamtý kórsetkishteri jyl qorytyndysy boıynsha 90%-ǵa ósedi. Oblys boıynsha sý jelilerdiń tozýy 46,1%-dan 34,9%-ǵa tómendeıdi, - dep sendirdi óńir basshysy. 

Buǵan deıin habarlaǵanymyzdaı kelesi jyly Qostanaıda koreıalyq KIA kóligin shyǵara bastaıdy.