Qostanaı oblysy men Aqtaýda qolaısyz aýa raıyna baılanysty balalar onlaın oqıdy

<p>Aqtaý qalasynda aýa raıynyń qolaısyzdyǵyna baılanysty І kezeńdegi sabaqtar onlaın ótedi. Bul týraly qalalyq bilim bóliminen málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

- Aqtaý qalasyndaǵy 28 memlekettik mektepte aýa raıynyń qolaısyzdyǵyna baılanysty І aýysymdaǵy sabaqtar onlaın ótedi. Al tasymal qyzmeti bar 23 jeke mektepte sabaq bolady, - dedi Aqtaý qalalyq bilim bólimi basshysynyń ýaqytsha mindetin atqarýshy Toty Kúlmetenova.

Al búgingi ІІ aýysymdaǵy sabaqtyń qaı formatta ótetini qosymsha habarlanady. 

Sonymen qatar Qostanaı oblysyndaǵy keı mektepter aýa raıyna baılanysty qashyqtan oqytady. 

Kostanaynews agenttigine aqparatty oblystyq bilim basqarmasy rastady.

«Jaýyn-shashyn men kóktaıǵaqqa baılanysty Arqalyq, Lısakovsk jáne Beıimbet Maılın aýdandaryndaǵy barlyq mektepte birinshi aýysymdaǵy sabaqtar qashyqtan oqytý formatyna aýystyryldy. Qarabalyq, Naýyrzym, Amangeldi jáne Denısov aýdandaryndaǵy mektepter ishinara aýystyryldy. Aýa raıynyń qolaısyzdyǵyna baılanysty balalardy mektepke tasymaldaý múmkin bolmady. Búkil aýdandyq bilim bólimderi aýa raıyn qadaǵalap otyr, qajet bolǵan jaǵdaıda qashyqtan oqytý formatyna kóshirý jalǵasady», - dedi vedomstvodan. 

Ekinshi aýysymdaǵy sabaqqa qatysty aqparat keıin belgili bolady.