Qostanaı oblysy aýdandarynda 112 qyzmeti iske qosyldy

<p>QOSTANAI. KAZINFORM &mdash; Biryńǵaı 112 nómirine kelip túsken qońyraý buryn oblys ortalyǵyna joldanatyn edi. Endi aqparatty neǵurlym jedel berý úshin 112 operatorlarynyń qyzmeti oblys aýdandarynda jumys isteıtin bolady. Test rejıminde 18 núkte jumys isteıdi.</p>

112 qyzmeti — kez kelgen jaǵdaıda qoljetimdi jalǵyz jeli.

— 112 nómirine qońyraý túsken kezde telefon alǵashynda siz qoldanatyn operatorǵa sıgnal jiberedi. Eger qandaı da bir sebeptermen baılanys jasaý múmkin bolmasa, qońyraý qandaı operatorǵa tıesili bolsa da, kez kelgen qoljetimdi jelige jiberiledi. Osylaısha, shuǵyl nómirge qońyraý shalý úshin sizdiń operatoryńyz jaıly málimet asa talap etilmeıdi, — dep atap ótti Qostanaı oblysy TJD.

112 nómirine qońyraý shalý árqashan tegin. Teris balans jáne basqa da qońyraý shalýǵa qarajat jetispeýshiliginiń ózinde qoljetimdi.

Tipti roýmıngten de qońyraý shalýǵa múmkindik bar.

Qostanaı oblysynda 112 biryńǵaı qońyraý qyzmeti oblys ortalyǵynda jumys istedi.

Búkil aımaqta onyń 7 ǵana qyzmet kórsetý jelisi boldy.

— Táýligine 1800-ge jýyq qońyraý men habarlama kelip túsedi. Tıisinshe, Qostanaı oblysy TJD qyzmetkerlerinde bul habarlamalardy jyldam óńdeýge múmkindik bolmady. Osylaısha oblysymyzdyń qalalary men aýdan ortalyqtarynda 112 shuǵyl jelisin ornatý jóninde sheshim qabyldandy. Qazirgi ýaqytta testilik rejımde istep tur, — dedi TJD ókili.

Oblystyń 20 núktesinen (16 aýdan jáne 4 qala) ázirge 18 núkte qosylǵan. Jumys jalǵasyp jatyr.