Qostanaı men Rýdnyıda ekinshi aýysym oqýshylary mektepke barmaıdy
13:28, 18 Aqpan 2021
QOSTANAI. QazAqparat – Qostanaı jáne Rýdnyı qalalarynyń oqýshylary ekinshi aýysymnyń sabaǵyn úıden oqıdy, dep habarlaıdy QazAqparat oblystyq bilim basqarmasynyń baspasóz qyzmetine siltem jasap.
«Jeldiń kúsheıýi, burqasyn men joldyń nashar kórinýine baılanysty 18 aqpanda ekinshi aýysymdaǵy 1-11 synyp oqýshylaryna sabaq bolmaıdy. Oqý baǵdarlamasy qashyqtyq formaty arqyly usynylady» delingen basqarma aqparatynda.
Dál osyndaı aqparatty Rýdnyı qalalyq bilim bólimi de taratty.
Qala oqýshylary onlaın rejımde sabaqqa qatysady.
Sonymen qatar tehnıkalyq jáne kásiptik bilim mekemeleriniń 1-2 kýrs stýdentteri qashyqtan oqýǵa kóshedi.