Qostanaı qalasynda káriz qubyry jaryldy

QOSTANAI. QazAqparat – Búgin tańerteń Qostanaı qalasyndaǵy Maıakovskıı kóshesinde káriz qubyry jarylyp, sý jol boıyna jaıyldy. Bul týraly qala ákimdiginiń baspasóz qyzmetinen málim etti, dep habarlaıdy QazAqparat tilshisi.

«Búgin tańerteń saǵat 06:45-te Qostanaı qalasynda Maıakovskıı kóshesi boıyndaǵy qysym kollektorynda apat boldy. Saldarynan kósheniń káriz júıesindegi sý jol boıyna tógildi. Qazirgi ýaqytta «Qostanaı Sý» mamandary káriz jelisiniń apat bolǵan ýchaskesin jaýyp tastady. Jóndeý jumystaryna 2-3 kún ketedi. Bul apat qalanyń tirshiligin qamtamasyz etýge keri áser etpeıdi», - dep málim etti jergilikti quzyrly organnyń baspasóz qyzmetinen.

Foto: instagram.com/kostanai_su