«Qostanaı-Arqalyq» poıyzynyń dóreki jolserigi jazalandy

QOSTANAI. QazAqparat - Áleýmettik jelide jarııalanǵan vıdeonyń keıipkeri - «Qostanaı-Arqalyq» poıyzynyń jolserigi jolaýshyǵa dóreki sóılegeni úshin jazalandy. Bul týraly Kóliktegi ІІD-niń baspasóz qyzmeti málim etti, dep habarlaıdy QazAqparat tilshisi.

«Qostanaı stansasy Jelilik ishki ister bóliminiń kezekshilik bólimine 1988 jylǵy jolaýshydan «Qostanaı-Arqalyq» poıyzynyń jolserikteriniń birine qatysty shaǵym tústi. Áıeldiń aıtýynsha, jolserik dórekilik tanytyp, jolaýshyǵa daýys kótergen. Jelilik ІІB qyzmetkeri tekserý kezinde mán-jaıdy anyqtaý úshin polıtsııa bólmesine barýyn suraǵan, alaıda ol bas tartqan. Er adam polıtsııa qyzmetkeriniń zańdy talabyna baǵynbaı, ákimshilik quqyq buzǵan. Keıin quqyq buzýshy Jelilik ІІB kezekshilik bólimine jetkizildi. Ol polıtsııa bóliminde tolyqtaı óz kinásin moıyndady», - dep habarlady Kóliktegi ІІD-niń baspasóz qyzmeti.

Oǵan qatysty QR Ákimshilik kodeksti 667-baby 1-bóligi boıynsha ákimshilik hattama toltyryldy.

Qostanaı qalalyq mamandandyrylǵan ákimshilik soty ony aıypty dep tanyp, eskertý túrindegi ákimshilik jazaǵa tartty.