Qostanaı ákimdigi jańbyrdan zalal kelgen úılerdiń shatyryn tsellofanmen jaýyp berdi

ASTANA. QazAqparat – Qostanaıda tolassyz jaýǵan jańbyr saldarynan shatyry búlingen úılerdiń tóbesin jóndeý jumystary búgin bastalady, dep habarlaıdy QazAqparat tilshisi.

«Búgin qala ákimi nóser jańbyrdan zardap shekken Chernyshevskıı men Baıtursynov kósheleriniń boıyndaǵy ornalasqan eki úıdiń tóbesin ýaqytsha jabýdy tapsyrdy. Qazirgi ýaqytta merdiger uıym Baıtursynov kóshesindegi úıdiń shatyryn tolyq japty, al Chernyshevskıı kóshesindegi baspananyń shatyry boıynsha jumystar 50%-ǵa aıaqtaldy. Qalǵany 17 shilde kúni tańerteń jalǵasady. Sondaı-aq, búginnen bastap merdigerler shatyrdy qalpyna keltirip, jóndeýdi bastaıdy. Bul másele qala ákiminiń turaqty baqylaýynda bolady», - delingen jergilikti quzyrly organnyń baspasóz qyzmeti taratqan habarlamada.

Eske salaıyq, 16 shildedi tolassyz jaýǵan jańbyrdan Qostanaı qalasyndaǵy kópqabatty úılerdiń tóbesinen sý aǵyp, páterler búlindi.