Qosshydaǵy lıfti zaýytynyń ónimine suranys artýda

KÓKShETAÝ. QazAqparat - Astana mańyndaǵy Qosshy eldi mekeninde Qazaqstan men Qytaıdyń birlesken kásiporny - «Sky Express Elevator KZ» lıft jasaý zaýytynda ótken jyly 80 lıft jəne 11 eskalator shyǵaryldy. Bul týraly Aqmola oblysynyń əkimi Məlik Myrzalınniń jumys babymen atalǵan kəsiporynda bolǵanynda aıtyldy, dep habarlaıdy «QazAqparat» HAA tilshisi.

Zaýyt dırektory Narıman Habıbtiń aıtýynsha, Qazaqstanda buǵan deıin lıft jasalmaǵan. Bul elimizdegi lıft jasaıtyn alǵashqy zaýyt bolyp otyr.

«Zaýyt qýaty jylyna 1 000-ǵa jýyq lıft jasap shyǵarýǵa jetedi. Qazir munda turǵyn úıler men keńselerge arnalǵan standartty lıftilerden basqa, júk, avtokóliktik jáne aýrýhana lıftileri de shyǵarylady. Jeke tapsyrys boıynsha panoramdyq lıftiler de qurastyrylady Sondaı-aq, zaýyt kottedj úılerge arnalǵan lıftilerdi de, eskalatorlar men travolatorlardy da shyǵarady», - deıdi Narıman Habıb.

Onyń aıtýynsha, ótken jyly barlyǵy 80 lıft jəne 11 eskalator shyǵaryldy. Keleshekte bul kórsetkishti 1000 lıftige deıin jetkizý josparda bar.

Zaýyt dırektory atap ótkendeı, kásiporyn ashylǵanyna kóp ýaqyt bolmasa da, onyń ónimderine degen suranys qazirdiń ózinde kóbeıip otyr. Tapsyrys berýshiler Oral, Kókshetaý, Qaraǵandy, Pavlodar jáne elimizdiń basqa da qalalary.

«Biz ónimderimizdi satyp alǵan ǵımaratqa tolyqtaı ornatý, odan ári qyzmet kórsetý, jóndeý jumystaryn da óz moıynymyzǵa alamyz. Lıftilerdiń negizgi bóligi, ıaǵnı temir korpýsy, edeni, tóbesi,qabyrǵalary jáne shahtada bolatyn barlyq temir qurylǵylary qazaqstandyq ónimderden jasalady», - dedi N.Habıb.