Qosshyda eresek adam 10 jasar balany urǵan

KÓKShETAÝ. QazAqparat - Qosshy qalasynda eresek er adamnyń 10 jasar balany urý oqıǵasyna qatysty polıtsııa tergeý júrgizýde, dep habarlaıdy QazAqparat tilshisi.

Aqmola oblystyq PD baspasóz qyzmetiniń málimetinshe, mamyrdyń 30-ynda Qosshy qalalyq PB kezekshi bólimine 39 jastaǵy jergilikti turǵyn habarlasyp, úı aýlasynda 10 jasar ulyna dene jaraqatyn salǵan 40 jastaǵy er adamǵa qatysty shara qoldanýdy surady.

Anyqtalǵandaı, úı aýlasyndaǵy oıyn alańynda kámelettik jasqa tolmaǵan eki bala arasynda janjal bolǵan. Keıin balalardyń biri ákesine aıtyp, shaǵymdanǵan. Er adam aryz berýshiniń ulyn bet tusynan judyryqpen urǵan. Bala ata-anasyna bolǵan jaǵdaı týraly habarlaǵan.

«Qazirgi kezde, osy oqıǵaǵa baılanysty densaýlyqqa keltirilgen zııannyń aýyrlyǵyn anyqtaý úshin sot-medıtsınalyq saraptama taǵaıyndaldy. Qylmystyq kodekstiń 107-baby 2-bóligi 8-bólimshesi «Kámeletke tolmaǵan balaǵa qatysty densaýlyqqa qasaqana aýyrlyǵy ortasha zııan keltirý» boıynsha sotqa deıingi tergeý júrgizilýde», - dedi vedomstvodan.

Aıta ketsek, buǵan deıin kórshisiniń úıin balalarymen birge órtemekshi bolǵan kókshetaýlyq ustalǵan edi.