Qosshyda 5 jasar balanyń terezeden qulap ketýine baılanysty polıtsııa is qozǵady

KÓKShETAÝ. QazAqparat - Qosshy qalasynda (5 jasar balanyń terezeden qulaý deregi boıynsha polıtsııa sotqa deıingi tergeýdi bastady, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń málimetinshe, bıylǵy jylǵy sáýirdiń 17-sinde Qosshy qalalyq PB kezekshi bólimine Astana qalalyq №2 balalar aýrýhanasyna «jabyq bas súıeginiń jaraqaty, mı shaıqalý, ishtiń tuıyq jaraqaty, sol jaq ıyq súıeginiń synýy» dıagnozymen 5 jasar balanyń túskendigi týraly habarlanǵan.

«Anyqtalǵandaı, zardap shekken bala sol kúni úıinde 2016 jylǵy ápkesi ekeýi ǵana bolǵan, ata – anasy jumysqa ketken. Bala 4 qabattaǵy páterdiń terezesinen qulaǵan. Jylap jatqan balany kórip, ótip bara jatqan adamdar jedel járdem shaqyrdy. Qazirgi ýaqytta bala aýrýhanada jatyr», - dedi vedomstvodan.

PD baspasóz qyzmetinen atap ótkendeı, osy oqıǵaǵa baılanysty Qylmystyq kodekstiń 141-babynyń 1-bóligi «balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» boıynsha sotqa deıingi tergeý bastaldy.

Aıta ketsek, budan buryn Aqmola oblysynda 4 jasar balanyń denesi káriz qudyǵynan tabylǵanyn jazǵan edik.