Qosshy qalasynda kúshti jel saldarynan 1229 abonent jaryqsyz qaldy

<p>Aqmola oblysynyń Qosshy qalasynda elektr jesindegi apatqa baılanysty 1229 abonent jaryqsyz qaldy. Qazirgi kezde, tabıǵattyń tosyn minezinen týyndaǵan zardaptardy joıý boıynsha jumystar jalǵasýda, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qosshy qalasy ákimdiginiń málimetinshe, qatty jelden jáne jańbyrdyń saldarynan 402,406,102,103,25 elektr jelileri apatty jaǵdaıǵa baılanysty ajyratyldy. Qazirgi kezde, bul jelilerdi kezeń-kezeńmen qosý boıynsha jumystar júrgizilip jatyr.

Foto: Qosshy qalasynyń ákimdigi

- Qazir 406, 103, 25 jelileriniń RP 1, RP 4 elektr qýatynan ajyratylǵan. Qala boıynsha 1229 abonent jaryqsyz otyr. Elektr jaryǵyn qalpyna keltirý jumystary jalǵasýda, - dedi qala ákimniń baspasóz qyzmetinen Kazinform tilshisi saýalyna.

Foto: Qosshy qalasynyń ákimdigi

Sonymen qatar, saǵat 20:28-de qatty jel Lesnaıa polıana turǵyn úı kesheninde ornalasqan №10 úıdiń shytyryn ushyrǵan.

- Onda zardap shekkender joq. Jergilikti atqarýshy organdar men polıtsııa qyzmetkerleri turǵyndarǵa eskertip, úı aýlasyn kólikterden bosatty. Bul jerde qala ákiminiń orynbasary jáne tıisti qyzmetterdiń ókilderi jedel sharalardy qolǵa alýda. Buǵan qosa, qala ákimdiginiń janynan jedel shtab qurylyp, jumys istep jatyr. Qatty jel elektr jelisindegi apattyń zardabyn joıýǵa kedergi keltirýde. Degenmen, qysqa merzimniń ishinde abonentterge jaryq beriletin bolady, - dep tolyqtyrdy ákimdiktiń baspasóz qyzmetinen.

Foto: Qosshy qalasynyń ákimdigi

 

Sonymen birge, elektr jaryǵynyń óship qalýyna baılanysty qalaǵa aýyz sý berýde qıyndyqtar týyndaýda.

- Sý jınaý stantsııasynda jaryqtyń óship qalýyna baılanysty arnaıy generator qosyldy. Alaıda, onyń qýaty joǵary qabattaǵy páterlerge sý jetkizýde jetińkiremeı tur. Jaqyn ýaqytta RP 1, RP 4 iske qosylsa qalaǵa sý berý qalpyna keltiriletin bolady», - dedi ákimdik ókilderi.