Kóshpendiler oıyndary: Túrkııadan shyqqan saıahatshylar Aqtóbeniń Temir aýdanyna aıaldady

<p>AQTÓBE. KAZINFORM - Aqtóbe oblysy Temir aýdanynyń ákimdigi Túrkııanyń Ankara qalasynan shyqqan saıahatshy erli-zaıyptylardy Aqtóbe-Astrahan tasjolynan kútip aldy. Olarǵa qurmet kórsetip, dám usyndy.</p>

Temir aýdandyq ákimdiginiń habarlaýynsha, aýdan ákimi Salamat Amanbaev túrik saıahatshy-blogerleri Býrak Dýran jáne jubaıy Idıl Dýran jáne túrik jýrnalısi Enes Ildyrımmen kezdesti.

Foto: instagram.com/temir_akparat

- Kezdesý barysynda Qazaqstan men álem elderiniń úzdik qolóner sheberleriniń kórme-jármeńkesi, sheberlik sabaqtary, aqyndar aıtysy men tól mádenıetimizdi pash etetin qosymshy is-sharalar barysy talqylandy. Aýdan basshysy besinshi Dúnıejúzilik kóshpendiler oıyndary ulttyq sport pen salaýatty ómir saltyn nasıhattaý maqsatynda uıymdastyrylǵanyn atap ótip, aq jol tilep, óziniń arnaıy syıyn tabystady. Óz kezeginde túrik saıahatshy-blogerleri qurmet úshin alǵysyn bildirdi. Qonaqtarǵa ulttyq taǵamdardan dám usynylyp, aýdan ónerpazdary men jastary syı-qurmetterin kórsetti. Olar Aqtóbe-Astrahan avtomagıstrali boıyndaǵy “Bopaı” jol boıy qyzmet kórsetý ortalyǵyna ornalasty. Temir óńiriniń erekshe tarıhy tanystyryldy, - dep habarlady Temir aýdanynyń ákimdigi.

Foto: instagram.com/temir_akparat

Eske salsaq, buǵan deıin túrik aǵaıyndar Aqtaý qalasyna aıaldady.

Foto: instagram.com/temir_akparat

Olar 8-15 qyrkúıek aralyǵynda ótetin besinshi Dúnıejúzilik kóshpendiler oıyndaryna arnaıy kele jatyr.

Foto: instagram.com/temir_akparat