Kóshpendiler oıynynda laıyqty óner kórsetýge tyrysamyz – Ózbekstannyń sport mınıstrligi

<p>TAShKENT. KAZINFORM &ndash; Ózbekstan Qazaqstanda ótetin V Dúnıejúzilik kóshpendiler oıynyna qatysady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Kóshpendiler oıyny bıyl qyrkúıekte Astana qalasynda ótedi. Kórshi eldiń quramasy da aıtýly alamannan shet qalar emes. Ol úshin qazirden qyzý daıyndyqty bastap ketken. Qurama músheleri jaz aılarynda tolyq jasaqtalady. Oǵan deıin ishki básekelerde ózara kim myqtyny anyqtaıdy.

Foto: Álıhan Asqar/Kazinform

«Bul jarysqa Ózbekstannyń sport delegatsııasy mas-restlıng, kýrash (kúres – avt.), kókpar, belbeý kúresi, arqan tartys jáne sadaq atý syndy básekelerge qatysady dep josparlanǵan. Búginde kóshpendiler oıyndaryna daıyndyq qarqyndy júrip jatyr. Onda laıyqty óner kórsetýge tyrysamyz», - dedi Ózbekstan Sport mınıstrliginiń bas mamany Bıbijan Aralbaeva Kazinform tilshisiniń saýalyna jaýap bere otyryp.

Aıta keteıik, kóshpendiler oıynynyń baǵdarlamasyna 20 sport túri engen. Sonyń ishinde mas-restlıng, kúres, kókpar, arqan tartys sııaqty básekeler Ózbekstanda da keń taralǵan. Tipti buǵan deıin Ortalyq Azııadaǵy eń kóne qalalardyń biri Shahrısabzda aýqymdy etnosport festıvali uıymdastyrylǵan edi. Sol sharada kórshimizdiń sportshylary úzdikterdiń biri atanǵan.

Foto: Álıhan Asqar/Kazinform

Foto: Álıhan Asqar/Kazinform

Eske sala keteıik, buǵan deıin kóshpendiler oıynyna álemniń 100 elinen sportshylar qatysatynyn jazyp edik.