Kóshpendiler oıynyna bılet satylymy nege ýaqytsha toqtatyldy

<p>ASTANA. KAZINFORM — Týrızm jáne sport vıtse-mınıstri Serik Jarasbaev bıyl kúzde elordada ótetin V dúnıejúzilik kóshpendiler oıyndaryna bılet satylymynyń ýaqytsha toqtap qalý sebebin túsindirdi.</p>

«Bıletter zakazbiletov.kz saıty arqyly satylyp jatyr. Alǵashqy bıletti 22 naýryzda dúnıejúzilik Etnosport konfederatsııasynyń prezıdenti Bilál Erdoǵan satyp aldy. Odan keıin satylym sál toqtatyldy, nege deseńiz, kóshpendiler oıyndary ótetin sport keshenderinde jóndeý jumystary júrgizildi. Qazir barlyq keshen jóndeldi, bıletter qaıta satylymǵa shyqty», — dedi Serik Jarasbaev Astanada ShYU sammıtine kelgen meımandarǵa kóshpendiler oıyndaryna daıyndyq barysyn tanystyrý kezinde.  

Vıtse-mınıstrdiń málimetinshe, búginde kóshpendiler oıyndaryna 500-den astam bılet satylǵan. 

Foto: Soltan Jeksenbekov/Kazinform

«Bıletter 500 teńgeden bastap 25 myń teńge aralyǵynda satylyp jatyr. Onyń ishine oıyndardy tamashalaýdan bólek, sharanyń ashylý saltanaty da kiredi», — deıdi ol. 

Foto: Soltan Jeksenbekov/Kazinform

Eske sala ketsek, kóshpendiler oıyndaryna alǵashqy bılet bıyl naýryzda satyldy. 

Búgin Astanada ShYU sammıtine kelgen meımandarǵa kóshpendiler oıyndaryna daıyndyq barysy tanystyryldy. 

Qonaqtar arasynda Germanııa, Úndistan, Ispanııa, Italııa, Ońtústik Koreıa, Lıvan, Malaızııa, Norvegııa, Serbııa jáne Chehııadan kelgen delegattar men jýrnalıster bar.

Sondaı-aq, dúnıejúzilik kóshpendiler oıyndary kezinde qazaq aýyly qurylatyny belgili boldy. 

Foto: Soltan Jeksenbekov/Kazinform