Kóshpendiler oıyny: Ordodan Qazaqstan quramasy kúmis medal jeńip aldy

<p>ASTANA. KAZINFORM &ndash; Astana tórinde ótip jatqan 5-shi Dúnıejúzilik kóshpendiler oıyndarynyń sońǵy kúni qyrǵyz halqynyń ulttyq oıyny ordodan Qazaqstan quramasy kúmis júlde ıelendi.</p>

Ordonyń fınaldyq kezeńinde Qazaqstan quramasy Qyrǵyzstanmen kezdesti. Ókinishke qaraı, fınalda otandyq asyqshylar qarsylastaryna 96:18 esebimen ese jiberdi.

Aıta keteıik, Ordodan Qyrǵyzstan quramasy jeńimpaz atansa, Qazaqstan kúmis júldege qol jetkizdi. Al úshinshi oryndy Tájikstan quramasy ıelendi.

Aıta keteıik, ordo oıynynda komanda quramynda 8 oı̆ynshy, 1 bapker bolady.

Jarysqa 18 jastaǵy jáne odan asqan sportshylar qatysa alady. Jarys erler arasynda ótkiziledi. Ordo tegis jerde ótedi. Sheńberdiń dıametri – 12 m. Oı̆yn uzaqtyǵy – 2 saǵat.

Ár komandanyń biryńǵaı̆ sporttyq formasy bolady. Árbir qatysýshynyń sporttyq fýtbolkasynda ótinimde kórsetilgen nómirlerine sáı̆kes keletin nómir bolýy shart.

Jarystar Qyrǵyz Respýblıkasynyń «Ordo Oıýný» sport federatsııasynyń qoldanystaǵy erejelerine sáı̆kes ótkizildi.