Kóshpendiler oıyny: Nurdáýlet Jarylǵapov el qorjynyna altyn medal saldy
20:23, 10 Qyrkúıek 2024
<p>ASTANA. KAZINFORM- 5-shi Dúnıejúzilik kóshpendiler oıyndary aıasynda qazaq kúresinen «Qara býra» laqap atymen tanylǵan Nurdáýlet Jarylǵapov el qorjynyna kezekti altyn júldeni syılady.</p>
Asa aýyr salmaqta synǵa túsken otandasymyz fınalda ózbekstandyq qarsylasynan aılasyn asyryp, 5-shi Dúnıejúzilik kóshpendiler oıyndarynyń chempıony atandy.
Esterińizge sala keteıik, osyǵan deıin qazaq balýandary taǵy 2 altyn, 1 kúmis júlde jeńip alǵanyn jazǵan edik.
Aıta keteıik, qazaq kúresi 5-shi Dúnıejúzilik kóshpendiler oıyndaryndaǵy qatysýshy eń kóp tirkelgen sport túri atandy. Eki kúnge sozylatyn jarystarǵa 41 elden kelgen 274 sportshy qatysyp, 16 salmaq dárejesinde medaldar jıyntyǵyn sarapqa salyp jatyr.
Jarystar Jaqsylyq Úshkempirov atyndaǵy sport kesheninde ótip jatyr.