Kóshpendiler oıyny: Qazaqstannyń úsh sadaqshysy fınalǵa shyqty

<p>ASTANA. KAZINFORM &ndash; 5-shi Dúnıejúzilik kóshpendiler oıyndarynda Dástúrli sadaq atý boıynsha Pýta nysanasyn kózdeýde fınalǵa shyqqan sportshylar esimi habarlandy. Olardyń ishinde úsh qazaqstandyq sadaqshy bar.</p>

Búgin Pýta nysanasyn kózdeýge Aýstralııa, Germanııa, Ázerbaıjan, Majarstan, Indonezııa, Iran, Ispanııa, Italııa, Iemen, Malaızııa, Ońtústik Koreıa, Qytaı syndy 33 memleketten 180 sportshy baq synady.

Foto: Maqsat Shaǵyrbaev/ Kazinform

Jarys qorytyndysy boıynsha erler arasynda qazaqstandyq Jánibek Qulmyrzaev, Qanat Qasymhan, qyrǵyzstandyq Ishak Tokonov, majarstandyq Laslo Kochka fınalǵa shyqty. 

Áıelder arasynda – qazaqstandyq Aıkórkem Batıhan, qyrǵyzstandyq Ásel Sadyrova, reseılik Anna Alekseeva jáne majarstandyq Korenı ıAnka ıÝdıt top jaryp shyqty. 

Foto: Maqsat Shaǵyrbaev/ Kazinform

Fınal oıyndary búgin Astanadaǵy «Arǵymaq» at-sport kesheninde saǵat 16:00-de bastalady. 

Foto: Maqsat Shaǵyrbaev/ Kazinform

Aıta keteıik, Pýta nysanasynda erler 70 metr, áıelder 60 metr nysanany kózdeıdi. Ár sportshyǵa 7 múmkindikten beriledi, ár múmkindikte 3 mınýt ýaqyt bolady jáne 9 jebe atylady. 

Foto: Maqsat Shaǵyrbaev/ Kazinform

Ár tıgen oqqa 1 upaı beriledi, eń joǵry upaı – 63. Upaı sandary teń túsken jaǵdaıda 9 jebemen taǵy bir múmkindik beriledi. Taǵy da teń tússe – nysananyń ortasyna eń jaqyn tıgen oq esepke alynady.