Kóshpendiler oıyny: Qazaqstannyń medaldar sany 67-ge jetti

<p>ASTANA. KAZINFORM- 5-shi Dúnıejúzilik kóshpendiler oıyndarynyń tórtinshi jarys kúninde qazaqstandyq sportshylar 6 altyn, 7 kúmis, 6 qola medal jeńip aldy.</p>

Nátıjesinde Qazaqstan quramasy altyn medaldar sanyn 27-ge jetkizip, jalpy esepte birinshi orynda keledi. Sonymen qatar el qorjynynda 17 kúmis, 23 qola jalpy 67 medal bar.

Al osy kúnge deıin ekinshi oryndy Qyrǵyzstan quramasy bermeı kele jatqan bolatyn. Alaıda, búgin Ózbekstan quramasy 1 altyn aıyrmashylyǵymen qyrǵyzdary úshinshi orynǵa syrǵytty.

Ózbekstan quramasynyń enshisinde 11 altyn, 12 kúmis, 9 qola (32) medal bar. Al Qyrǵyzstan sportshylary 10 altyn, 13 kúmis, 15 qola (38) medalmen úzdik úshtikti túıindep tur.

Al tórtinshi orynǵa 9 altyn, 7 kúmis, 19 qola (35) medal jeńip alǵan Reseı quramasy ıe bolsa, Iran sportshylary 1 altyn, 3 kúmis, 7 qola (11) medalmen jalpy esepte besinshi orynda keledi.

Búginge deıin jalpy 5-shi Dúnıejúzilik kóshpendiler oıyndarynyń júldesi 28 memlekettiń sportshylaryna buıyrdy.