Kóshpendiler oıyndary: Qazaqstannan eki mergen fınalǵa shyqty

<p>ASTANA. KAZINFORM — Búgin 5-shi Dúnıejúzilik kóshpendiler oıyndarynda Dástúrli sadaq atý boıynsha Qalqan nysanasyn kózdeýden saıys ótip jatyr. Oǵan 33 memleketten 120 er jáne 60 áıel qatysýda.</p>

Qalqan nysanasyn kózdeýde erler 60 metr, áıelder — 50 metr qashyqtyqta nysana kózdeıdi. Munda ár sportshyǵa 7 múmkindikten beriledi, ár múmkindikte 3 mınýt ýaqyt bolady jáne 7 jebe atylady. 

Foto: Maqsat Shaǵyrbaev/Kazinform

Ár tıgen oqqa 1 upaı beriledi, eń joǵary upaı — 49. Upaı sandary teń túsken jaǵdaıda 7 jebemen taǵy bir múmkindik beriledi. Taǵy da teń tússe — nysananyń ortasyna eń jaqyn tıgen oq esepke alynady. 

Jarys qorytyndysy boıynsha erler arasynda qazaqstandyq Erbol Tápenov pen Qanat Qasymhan, majarstandyq Laslo Kochka jáne mońǵolııalyq Tseveen Hýderchýlýýn fınalǵa shyqty. 

Foto: Maqsat Shaǵyrbaev/Kazinform

Áıelder arasynda búgin qazaqstandyq sportshylar fınalǵa shyǵa almady, júlde oryndar úshin reseılik Anna Alekseeva, majarstandyq Barchaı Nıkolet Ilona, úndistandyq Sýrı Reno jáne qyrǵyzstandyq Ásel Sadyrova talasady. 

Fınal oıyndary búgin Astanadaǵy «Arǵymaq» at-sport kesheninde saǵat 16:00–de bastalady. 

Foto: Maqsat Shaǵyrbaev/Kazinform

Aıta keteıik, keshe Dástúrli sadaq atýdan Pýta nysanasyn kózdeýde qazaqstandyq sportshylar bir altyn, eki qola medal jeńip aldy. 

Búgin Dúnıejúzilik kóshpendiler oıyndarynda sportshylar jalpy 10 sport túrinen synǵa túsedi.