Kóshpendiler oıyny: Qazaq kúresinen balýandarymyz bir kúnde 8 altyn jeńip aldy
Altynshy altyndy el qorjynyna áıelder arasynda 60 keli salmaqta synǵa túsken Baqyt Qusaqbaeva jeńip alsa, jetinshi altyn júldeni erler arasynda 66 kelide Dıdar Tuqyshev ıelendi.
Al segizinshi altyn júldeni 74 keli salmaqta taǵy bir otandasymyz Jumajan Qojambekov jeńip alyp, 5-shi Dúnıejúzilik kóshpendiler oıynynyń chempıony atandy.
Osylaısha, búgin 8 salmaqtan el namysyn qorǵaǵan (4 er, 4 áıel) balýandarymyzdyń barlyǵy jeńis tuǵyrynyń eń bıik satysynan kórindi.
Osyǵan deıin erler arasynda Meıirjan Bereketov pen áıelder arasynda 56 keli salmaqta beldesken Roza Nurmahammetova chempıon atanǵan edi.
Sonymen qatar, 52 keli salmaqta Nazerke Azamatova jeńimpaz atansa, oǵan deıin áıelder arasynda 48 keli salmaqta el namysyn qorǵaǵan Aıjan Jylqybaeva men erler arasynda 55 keli salmaqta Bekjan Tólepov 5-shi Dúnıejúzilik kóshpendiler oıyndarynyń chempıony atanǵanyn jazǵan bolatynbyz.