ASTANA. KAZINFORM- 5-shi Dúnıejúzilik kóshpendiler oıyndary aıasynda qazaq kúresinen ótip jatqan saıysta qazaq qyzy Zarına Sarıpova el qorjynyna kezekti altyn júldeni syılady.
Bul – qazaq balýandarynyń qazaq kúresinen jeńip alǵan 9-shy altyn júldesi. Keshe otandastarymyz 8 altyn medalǵa qol jetkizgenin jazǵan bolatynbyz.
Aıta keteıik, qazaq kúresi 5-shi Dúnıejúzilik Kóshpendiler oıyndaryndaǵy qatysýshy eń kóp tirkelgen sport túri atandy. Eki kúnge sozylatyn jarystarǵa 41 elden kelgen 274 sportshy qatysyp, 16 salmaq dárejesinde medaldar jıyntyǵyn sarapqa salyp jatyr.
Jarystar Jaqsylyq Úshkempirov atyndaǵy sport kesheninde ótip jatyr.
Aıta keteıik, aýdaryspaqtan Qazaqstan qorjynyna eki altyn, bir kúmis medal tústi.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.