Kóshpendiler oıyndaryna qytaıdan qazaq balýandar kele jatyr
Bul týraly QazAqparat tilshisine, Qytaıdaǵy «qazaq kúres» qoǵamnyń tóraǵasy, úzdik jattyqtyrýshy, memlekettik I dárejeli tóreshi Surabaldy Ahmetuly málim etti.
«Astanada ótkeli jatqan dúbirli dodanyń sátti ótýine tilektespiz! Eki eldiń dostyq qarym-qatynasynyń arqasynda osy sharaǵa qatynasý múmkindigine ıe bolyp otyrmyz. Qazaq kúresi Qytaıdaǵy qandastar arasynda da jaqsy damyp keledi. Qalalyq, oblystyq deńgeıdegi jarystar ótip turady. Balýandarymyz álemdik jarystarda júldeli oryndardan kórinip júr. Kóshpendiler oıyndary aıasynda ótetin qazaq kúresine Qytaı eli atynan 8 sportshymyz baq synaýǵa kele jatyr. Olar: 60, 66, 74, 82, jáne 90 keli salmaqta óner kórstetin bolady», - deıdi Surabaldy Ahmetuly.
5-shi Dúnıejúzilik kóshpendiler oıyndary Astana qalasynda 8-13 qyrkúıek aralyǵynda ótedi. Álemdik dodaǵa 89 elden 2800-ge jýyq qatysýshy keledi dep josparlanyp otyr. Onda sporttyń 21 túri boıynsha 97 medal jıyntyǵy sarapqa salynbaq.