Kóshpendiler oıyndary: Aqtóbelik polıtseıler túrik saıahatshylaryn Qostanaıǵa shyǵaryp saldy

<p>AQTÓBE. KAZINFORM &ndash; Aqtóbelik polıtsııa qyzmetkerleri Túrkııanyń Ankara qalasynan elimizdiń Astanasynda ótetin besinshi Dúnıejúzilik kóshpendiler oıyndaryna kele jatqan saıahatshylardy Qostanaı oblysynyń terrıtorııasyna deıin shyǵaryp saldy. Túrik saıahatshylar Aqtóbe oblysynyń aýmaǵyna keshe kelip, jol boıy birneshe aýdanǵa aıaldady.</p>

Túrkııa eliniń saıahatshylary keshe Baıǵanın, Temir aýdandaryna aıaldap, búgin Aqtóbe qalasynda ulttyq dámnen dám tatty. Olardyń qaýipsizdigi úshin polıtsııa ilesip júrdi. 

- Búgin Aqtóbe qalasynyń patrýldik polıtsııa qyzmetkerleri uzaq ýaqyttan beri kólik rýlinde kele jatqan túrkııalyq saıahatshydardy trassada kútip alyp, júrgizýshi men jolaýshylardyń jaı-kúıin bildi. Saıahatshylar alys saparynyń qaýipsiz jáne sátti bolyp jatqanyn, jaqsy kóńil-kúıde ekenin jetkizdi. Býraktyń zaıyby men kishkentaı qyzy da quqyq qorǵaýshylarmen jyly shyraıly júzdesti. Tártip saqshylary sheteldik saıahatshylarǵa sát sapar tilep, Qostanaı oblysynyń shekarasyna deıin shyǵaryp saldy,- dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.

Eske salsaq, Temir aýdanynyń ákimi Salamat Amanbaev túrik saıahatshy-blogerleri Býrak Dýran jáne jubaıy Idıl Dýran jáne túrik jýrnalısi Enes Ildyrımmen kezdesti.