«Kóshpendi sadaǵy» kollektsııalyq monetalary aınalymǵa shyqty

ASTANA. QazAqparat – Qazaqstan Ulttyq banki KÓSHPENDI SADAǴY kollektsııalyq monetalaryn aınalymǵa shyǵarady, dep habarlaıdy QazAqparat QUB saıtyna silteme jasap.

KÓSHPENDI SADAǴY kollektsııalyq monetalary kúmisten (altyn jalatylǵan) jasalǵan. Massasy – 31,1 gramm, dıametri – 38,61 mm, daıyndaý sapasy – proof, nomınaly – 500 teńge, taralymy – 5 000 dana.

Moneta reversinde sadaq atyp turǵan kóshpendi jaýyngerdiń beınesi ornalasqan. Al, joǵarǵy bóliginde kóshpendiler qarýynyń sımvoly retinde ushyp bara jatqan jebeler kórsetilgen. Aversiniń ortalyq bóliginde Qazaqstannyń memlekettik eltańbasy beınelengen. Bul – qorǵanys qalqanynyń allegorııasyn bildiredi. Eltańbanyń aınalasynda oıý-órnek pen memlekettik jáne aǵylshyn tilderindegi QAZAQSTAN RESPÝBLIKASY jáne REPUBLIC OF KAZAKHSTAN jazýlary, QUB logotıpi men moneta nomınalynyń, daıyndaý metalynyń, synama men massanyń belgileri ornalasqan.

Monetalar memlekettik, orys jáne aǵylshyn tilderinde UBK sapa sertıfıkattary bar kádesyı qaptamasynda shyǵarylady. Satylymǵa túsetin kúnine qatysty aqparat QUB resmı saıtynda qosymsha jarııalanady.

Kollektsııalyq monetalar Qazaqstan Respýblıkasynyń búkil aýmaǵynda tólemderdiń barlyq túri boıynsha, sondaı-aq banktik shottarǵa aýdarýǵa jáne elimizdiń barlyq bankterinde aýdarý, aıyrbastaý úshin olardyń ataýly quny boıynsha qabyldanýǵa mindetti.

Foto: nationalbank.kz