Kóshpeli tsırk pen zoobaqtarǵa tyıym salynsa, janýarlar qaıda ketedi

<p>ASTANA. KAZINFORM &ndash; Taıaýda elimizde kelesi jyldan bastap kóshpeli tsırk pen zoobaqtarǵa tyıym salynatyny belgili boldy. Olar jabylsa janýarlardyń taǵdyry ne bolmaq?</p>

Bul saýaldyń jaýabyn Ekologııa jáne tabıǵı resýrstar mınıstrliginiń orman sharýashylyǵy jáne janýarlar dúnıesi komıteti tóraǵasynyń orynbasary Andreı Kımnen suraǵan edik. 

— Zoobaqtarǵa kelsek, janýarlardy tapsyrý kerek. Qazir bizde úsh memlekettik haıýanattar baǵy bar, janýarlardy solarǵa ótkizse bolady. Olar Shymkent, Almaty jáne Qaraǵandy qalasynda ornalasqan. Bıznes turǵysynan, naryqtaǵy janýarlardyń baǵasyn alyp qarasaq, ıeleri janýarlardy dalada qaldyrmaıdy dep oılaımyn, — dedi Andreı Kım vedomstvoda ótken baspasóz máslıhatynda. 

Onyń aıtýynsha, janýarlardy ustaýǵa zań aıasynda tyıym salynbaǵan. 

— Kóshpeli tsırk pen zoobaqtardyń qyzmetine tyıym salynady, al janýarlardy ustaýǵa, olarǵa jaýapkershilikpen qaraýǵa ıeleri zań boıynsha mindetti, — dep tolyqtyrdy mınıstrlik ókili. 

Eske sala ketsek, Ekologııa jáne tabıǵı resýrstar mınıstri Erlan Nysanbaev keler jyly 1 qańtardan bastap elimizde kóshpeli tsırkter men zoobaqtarǵa tyıym salynatyny týraly málimdegen edi.

Eske sala keteıik, buǵan deıin jazǵanymyzdaı 1 qańtardan bastap Qazaqstanda kóshpeli tsırkter men zoobaqtarǵa tyıym salynady.