Kóshi-qon zańnamasyn buzǵan sheteldikterge aıyppul salynady – Almaty polıtsııasy

ALMATY. QazAqparat - Almaty polıtsııasy Qazaqstanǵa kelgen azamattardy kóshi-qon zańnamasyn buzbaýǵa jáne tıisti tirkeýge turýǵa úndedi, dep habarlaıdy QazAqparat tilshisi.

«QR ÁQBtK-niń 492-babyna (Qazaqstan Respýblıkasynda tirkeýsiz ne jeke basty kýálandyratyn qujattarsyz turý) sáıkes, turǵylyqty jerinde tirkeýsiz turǵany úshin eskertý jáne 7 AEK mólsherinde aıyppul túrinde ákimshilik jaýapkershilik kózdelgen», - delinedi habarlamada.

Sondaı-aq polıtsııada sheteldikterdiń turǵylyqty jerin, ýaqytsha bolatyn (turǵylyqty) jeri boıynsha tirkeý tek menshik ıesiniń jazbasha nemese elektrondy túrde kórsetilgen elektrondyq tsıfrlyq qoltańba arqyly kýálandyrylǵan kelisimimen ǵana júzege asatynyn eske saldy.
Eske salaıyq, buǵan deıin Memleket basshysy Qasym-Jomart Toqaev Іshki ister mınıstri Marat Ahmetjanovqa kóshi-qon máselesine baqylaý júrgizý baǵytynda birqatar tapsyrma bergen bolatyn.