Kóshi-qon salasynda Qazaqstan men BUU yntymaqtastyǵy qaı deńgeıde

NUR-SULTAN. QazAqparat – Búgin elordada QR Іshki ister mınıstri Erlan Turǵymbaev Ortalyq Azııadaǵy kóshi-qon jónindegi halyqaralyq uıymnyń (BUU-nyń Kóshi-qon jónindegi agenttigi) úılestirýshisi Deıan Keserovıchpen kezdesti, dep habarlaıdy QazAqparat tilshisi.

Kezdesý barasynda Halyqaralyq uıym úılestirýshisine Qazaqstan men Ortalyq Azııadaǵy mıssııasynyń aıaqtalýyna baılanysty, sondaı-aq adam saýdasyna qarsy kúres salasyndaǵy halyqaralyq yntymaqtastyqty nyǵaıtýǵa qosqan úlesi úshin QR ІІM-niń Qurmet gramotasy tabystaldy.

E. Turǵymbaev mınıstrlik halyqaralyq uıymdarmen, sonyń ishinde halyqaralyq kóshi-qon uıymymen yntymaqtastyqqa basa mán beretinin atap ótti.

«Sizge kóshi-qon salasyndaǵy eńbegińiz úshin alǵysymdy aıtqym keledi. Osy qyzmettegi 7 jyl ishinde Іshki ister mınıstrligimen jaqsy baılanystardy ornata aldyńyz. Bul turǵyda zań buzýshylyqtarǵa jol bermeý boıynsha sizben birge eleýli jumystardy júzege asyra aldyq», - Erlan Turǵymbaev.

Óz kezeginde Deıan Keserovıch kóshi-qon salasynda uıym men Qazaqstan aýqymdy jumystardy júrgizgenin atap ótti.