Kósherbaev: Týǵan jerge degen ińkárlik - elge janashyrlyq
Sektsııa moderatory Qyzylorda oblysy ákiminiń orynbasary Rýslan Rústemov kirispe sózinde «Týǵan jerge, onyń mádenıeti men salt-dástúrlerine aıryqsha ińkárlikpen atsalysý - shynaıy patrıotızmniń mańyzdy kórinisteriniń biri» ekendigine toqtalyp, baǵdarlamanyń maqsatyn tanystyrdy. Sektsııa jumysyn oblys ákimi Qyrymbek Kósherbaev ashyp, quttyqtaý sóz sóıledi.
«Elbasy óz sózinde: «Bizdiń árqaısymyz týǵan ólkemizdi maqtan etemiz, alys júrsek saǵynamyz, qamqorlyq jasaımyz, «Týǵan jerge degen ińkárlik - týǵan elge degen súıispenshilikke ulasady, týǵan jerge qamqorlyq - týǵan jerge janashyrlyqpen astasady» jalpyulttyq patrıotızmniń ózegi ispetti «Týǵan jer» baǵdarlamasy osyndaı nıetter men izgi sharalardy júıelep, ortaq ıgilikke aınaldyrýdy kózdeıdi» dep atap ótti. Rýhanı jańǵyrýdyń eń negizgisi, sol sanamyzdyń jańǵyrýy», - dedi Q. Kósherbaev.
Sektsııaǵa Syr boıynyń elge tanymal birqatar tulǵalary "Qazaqstan Respýblıkasynyń Eńbek sińirgen óner qaıratkeri", "Qurmet", «Parasat» ordenderiniń ıegeri, kompozıtor Dúısekeev Keńes, «Aıqyn» gazetiniń bas redaktory, Qazaqstan Respýblıkasy Prezıdentiniń janyndaǵy Memlekettik sanany modernızatsııalaý baǵdarlamasyn iske asyrý jónindegi Ulttyq komıssııanyń múshesi Júsip Nurtóre Baıtilesuly, «Nur-múbarak» ýnıversıtetiniń prorektory Shamshádın Tursynuly Kerim, belgili aıtysker-aqyn Sultanhan Meıirbek arnaıy qatysyp, óz tilekterin bildirdi.
Sonymen birge, Qyzylordadaǵy Syrdarııa ózeniniń sol jaǵalaýyndaǵy kampýs salý týraly «Bolashaq» ýnıversıtetiniń ǵylymı jetekshisi Dosmanbetov Bakbergen Sársenuly, Aral óńirindegi soda kúlin salý jumystary jóninde «Araltuz» AQ Dırektorlar keńesiniń tóraǵasy Mukashev Dáýren Rahmetuly jan-jaqty habardar etti.
Nátıjesinde demeýshilik jasaý jóninde 7 memorandýmǵa qol qoıyldy.