Kósheni jaýyp, kólikterge kedergi jasaǵan «Kaspıı» klýbynyń jankúıerlerine aıyppul salyndy

AQTAÝ. QazAqparat -«Kaspıı» fýtzal klýbynyń jankúıerlerine aıppul salyndy, dep habarlaıdy QazAqparat tilshisi.

Jankúıerler 11 aqpan kúni sport keshenine barar jolda avtomobıl jolyna shyǵyp, jol qozǵalysyna kedergi keltirgen.

Kólik qozǵalysyna kedergi keltirgen Ford Fiesta jáne Toyota Camry kóliginiń júrgizýshilerine QR Ákimshilik quqyq buzý týraly kodekisiniń 593-baby 2-bóligi (jolaýshylardy tasymaldaý jónindegi talaptardy saqtamaý), 595-bóligi 1-bóligi (manevr jasaý qaǵıdalaryn buzý) jáne 614-baby 1-bóligi (kólik quraldarynyń qozǵalysy úshin kedergiler jasaý) boıynsha ákimshilik hattama toltyryldy», - dep málim etti Mańǵystaý oblystyq polıtsııa departamentiniń baspasóz qyzmetinen.

Sondaı-aq qolyndaǵy alaýdy jerge laqtyrǵan er adamǵa da ákimshilik hattama jasalyp, aıyppul salynǵan.

Vıdeodan alynǵan kadr