Kósheni kez kelgen jerden kesip ótken jeti myńǵa jýyq shymkenttik 6 125 teńgeden aıyppul tóledi
03:14, 27 Jeltoqsan 2022
ShYMKENT. QazAqparat – Jyl basynan beri jol qozǵalysy erejesin buzǵan 7000-ǵa jýyq jaıaý júrginshi jaýapkershilikke tartyldy, dep habarlaıdy QazAqparat tilshisi.
Shymkenttik patrýldik polıtsııa polkiniń qyzmetkerleri jyl basynan beri jaıaý júrginshilerdiń jol qozǵalys erejelerin buzǵan 6930 azamatty anyqtap, tıisinshe zańǵa sáıkes ákimshilik hattama toltyrǵan.
Atalǵan azamattar Qazaqstan Respýblıkasy Ákimshilik quqyq buzý týraly kodeksiniń 615-baby boıynsha jaýapkershilikke tartyldy.
«Aıta keteıik, zańnamaǵa sáıkes bul quqyqbuzýshylyq 2 AEK mólsherinde aıyppul salýǵa ákep soǵady. Osy rette jaıaý júrginshiler men kólik tizgindegen júrgizýshilerge jol ústinde óz ómirin qaterge tikpeýge jáne tıisti erejeler men saqtyq sharalaryn qatań ustanýǵa keńes beremiz» - delingen Shymkent qalasy polıtsııa departamentiniń baspasóz qyzmeti taratqan aqparatta.