Kóshedegi úzdik qazaq tildi jarnamaǵa baıqaý jarııalandy

ASTANA. 28 tamyz. QazAqparat - Qazaqstan halqy tilderiniń XV festıvali aıasynda alǵash ret kóshedegi úzdik jarnamaǵa arnalǵan baıqaý ótedi. Bul týraly elordada ótken arnaıy baspasóz máslıhatynda Astana qalasy Tilderdi damytý basqarmasynyń bastyǵy Erbol Tileshov málim etti.

«Bárimiz jaqsy bilemiz, qazirgi kezde kóshe jarnamalaryna qatysty kóptegen syn-eskertpeler aıtylyp júr. Jarnamada qateniń kóptep kezdesetini ras. Biz ony kórip te, bilip te júrmiz. Ashyǵyn aıtý qajet, ol jarnamalardyń mazmuny til basqarmasymen kelisilmeıdi. Sonyń saldarynan qazaq tildi jarnamalar qatege tunyp tur», - deıdi E.Tileshov. Onyń aıtýynsha, osy olqylyqtyń ornyn toltyrý maqsatynda bıyl Qazaqstan halqy tilderiniń XV festıvali aıasynda alǵash ret kóshedegi úzdik jarnamaǵa arnalǵan baıqaý uıymdastyrylýda. Baıqaý jeńimpazdaryn marapattaý sharasy 18 qyrkúıek kúni «Dýman» oıyn-saýyq ortalyǵynda ótedi.