Kóshede pyshaqpen júrgen Pavlodar turǵyny ustaldy

PAVLODAR. QazAqparat – Pavlodar polıtsııasy qolyna pyshaq alyp, kóshe kezgen er adamdy ustady, dep habarlaıdy QazAqparat Rolisia.kz-ke silteme jasap.

6 mamyrda Pavlodar qalasynyń polıtsııasyna Akademık Satbaev kóshesindegi saýda úıiniń janynda er adam pyshaqpen júrgeni týraly habarlama tústi.

Bul fakti Pavlodar qalasynyń Soltústik Polıtsııa bóliminde tirkeldi.

Kórsetilgen mekenjaıǵa dereý túrde avtopatrýlder men tergeý-jedel toby jiberildi.

39 jastaǵy er adam ustalyp, jeke basy anyqtaldy. Qolyndaǵy as úı pyshaǵy tárkilendi», - delingen málimette.

Polıtsııa qyzmetkerleri medıtsınalyq kýálandyrý jasaý úshin er adamdy densaýlyq saqtaý mekemesine jetkizdi.

«Nátıjesinde, er adam mas kúıinde bolǵany anyqtaldy. Polıtsııa er adamdy Ýaqytsha beıimdeý jáne detoksıkatsııa ortalyǵyna apardy. Polıtsııa tekserý júrgizip jatyr», - delingen usynylǵan habarlamada.