Kóshede mashınasyn tútindetip TikTok-qa salǵan túrkistandyqtar jazalandy

TÚRKІSTAN. QazAqparat – Túrkistan qalasyndaǵy kóshelerdiń birinde baǵdarshamda kólik jyldamdyǵyn arttyryp, tútindetkender jaýapqa tartyldy, dep habarlaıdy QazAqparat tilshisi.

Polıtsııa joldaǵy oqıǵany TikTok-tan kórgen. Onda jolda qatar turǵan eki kólik birden jyldamdyqty arttyryp, ornynan tútindetip qozǵalǵan. Sodan tártip saqshylary beınejazbany Saıram aýdany Aqsýkent aýylynyń Jibek joly kóshesindegi baǵdarshamnyń boıynda túsirilgenin anyqtaǵan.

«Avarııalyq jaǵdaı týǵyzǵan kólik júrgizýshilerine qatysty hattama toltyryldy. Eki kólikte aıypturaqqa qoıyldy» - delingen Túrkistan oblysy polıtsııa departamentiniń baspasóz qyzmeti taratqan aqparatta.

Buǵan deıin Tarazda toı kortejine tútinmen «sán bergen» júrgizýshige aıyppul salyndy.