Qoshanov Memleket basshysynyń 7 jyldyq ókileti týraly: Kelesi prezıdentterge keri qaıtarý qıyn bolady

NUR-SULTAN. QazAqparat – QR Parlamenti Májilisiniń tóraǵasy Erlan Qoshanov 7 jyldyq Prezıdent ókileti týraly ózgeris Konstıtýtsııaǵa engizilse, keıingi basshylarǵa ony keri qaıtarý qıyn bolatynyn aıtty, dep habarlaıdy QazAqparat tilshisi.

«Prezıdent ókiletiniń merzimin bir rettik jeti jyldyq kezeńmen shekteý týraly usynylyp otyrǵan ózgeristi keıingi keleshek prezıdentter qaıta ózgertip tastamaý úshin qandaı zańnamalyq kepildikpen saqtandyrýǵa bolady?», - dep surady BAQ ókili.

Májilis tóraǵasynyń paıymynsha, Konstıtýtsııany Prezıdent jalǵyz ózi ózgerte almaıdy.

«Zańdy ózgertetin halyq. Sondyqtan kelesi Prezıdentke eski súrleýge qaıta oralý qıyn bolady. Mysaly Prezıdenttiń týystaryn belgili bir laýazymdarǵa taǵaıyndaýyna tyıym salyndy. Prezıdent ókiletin bir rettik jeti jyldyq kezeńmen shekteý usynylyp otyr. Meniń oıymsha bul normalardy keleshek prezıdentterge keri qaıtarý qıyn bolady. Prezıdent jalǵyz ózi Konstıtýtsııany ózgerte almaıdy», - dedi spıker.

Foto: press-slýjba Majılısa Parlamenta RK