Kóshi-qon zańnamasyn buzǵanÚndistan men Tájikstannyń 13 azamaty jaýapkershilikke tartyldy

<p>Úndistan men Tájikstannyń 13 azamaty Qazaqstan kóshi-qon zańnamasyn buzǵany úshin jaýapkershilikke tartyldy. Bul týraly Kóliktegi polıtsııa departamentiniń baspasóz qyzmeti málimdedi, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Shymkent stantsııasyndaǵy jelilik polıtsııa bóliminiń qyzmetkerleri «Tashkent – Almaty» baǵytyndaǵy jolaýshylar poıyzyn tekserý kezinde elimizdiń kóshi-qon zańnamasyn buzǵan 9 Úndistan azamatyn anyqtady. Olar zańnamada belgilengen merzim ótkennen keıin on táýlikten astam ýaqyt ishinde ketýden jaltarǵan.

Quqyqbuzýshylarǵa qatysty QR ÁQBtK 517-babynyń 4-bóligimen, ıaǵnı sheteldiktiń nemese azamattyǵy joq adamnyń Qazaqstannyń kóshi-qon salasyndaǵy zańnamasyn buzýy boıynsha ákimshilik hattama toltyryldy.

Shymkent qalasynyń ákimshilik quqyqbuzýshylyqtar jónindegi mamandandyrylǵan aýdanaralyq sotynyń sheshimimen joǵaryda atalǵan shetel azamattary Qazaqstan Respýblıkasynan tys jerlerge shyǵaryp jiberý túrinde jaýapqa tartyldy.

Kólik polıtseıleri osyǵan uqsas quqyqbuzýshylyqty «Túrkistan – Pavlodar» baǵytyndaǵy jolaýshylar poıyzyn tekserý kezinde de anyqtady.

Bul joly Tájikstan Respýblıkasynyń 4 azamatyna qatysty QR ÁQBtK-niń 517-baby 4-bóligi boıynsha ákimshilik materıal toltyrylyp, sot sheshimimen árqaısysyna 25 AEK (86 250 tg) mólsherinde aıyppul salyndy.

Esterińizge sala keteıik, osy jyldyń basynan beri kólik polıtseıleri Qazaqstannyń kóshi-qon zańnamasyn buzǵany úshin 1178 tulǵany ákimshilik jaýapkershilikke tartty.

Sot qaýlysymen elimizden tys jerlerge 232 sheteldik azamat shyǵaryldy.