Kóshi-qon salasyndaǵy bylyq: Jambyl oblysynda 24 tulǵa isti boldy

<p>TARAZ. KAZINFORM &ndash; Zańsyz kóshi-qondy uıymdastyrýdyń aldyn alý maqsatynda Qordaı aýdany prokýratýrasy vedomstvoaralyq jedel tergeý tobyn qurdy. Nátıjesinde Pákistan, Aýǵanstan, Qyrǵyzstan jáne Bangladesh elderiniń 20 azamatyna qatysty zańsyz kóshi-qondy uıymdastyrǵan 4 tulǵa ustaldy. Bul týraly Jambyl oblysynyń &nbsp;prokýratýrasy málimdedi.&nbsp;</p>

Atalǵan fakti boıynsha Qordaı aýdandyq PB-men QK-niń 394-babynyń 2-bóligi boıynsha (adamdar tobynyń aldyn ala sóz baılasýymen zańsyz kóshi-qondy uıymdastyrý) qylmystyq is tergep-tekserildi.

«Qordaı aýdandyq sotynyń úkimderimen 24 adam túrli merzimge bas bostandyǵynan aıyryldy. Sonymen qatar Ońtústik Azııanyń 20 azamaty merzimin ótegennen keıin elden shyǵaryldy. Sot úkimderi zańdy kúshine endi», - delingen habarlamada. 

Osyǵan uqsas aýdan prokýratýrasynyń úılestirý jumystarynyń nátıjesinde Nepal Respýblıkasynyń 10 azamatyna qatysty zańsyz kóshi-qondy uıymdastyrǵan 2 qylmysker quryqtalyp, 12.05.2024 jylǵy sot sanktsııasymen qamaqqa alyndy.

Qazirgi tańda atalǵan derek boıynsha QK-niń 394-babynyń 2-bóligi boıynsha sotqa deıingi tergep-tekserý júrgizilip jatyr. 

QPK-niń 201-babynyń talaptaryna sáıkes basqa málimetter jarııalanýǵa jatpaıdy.

Atalǵan baǵyttaǵy jumystar jalǵasady.