Qos túbi bar sómkege jasyryp 400 myń dollar áketpek bolǵan - QR UQK
20:11, 16 Naýryz 2022
NUR-SULTAN. QazAqparat – QR Prezıdentiniń «Qazaqstan Respýblıkasynyń qarjylyq turaqtylyǵyn qamtamasyz etý jónindegi sharalar týraly» Jarlyǵyn oryndaý sheńberinde ú.j. 15 naýryzda shekarashylar Almaty qalasynyń halyqaralyq áýejaıynda elden 400 myń AQSh dollarynan astam aqsha áketý áreketiniń jolyn kesti, dep habarlaıdy QazAqparat QR UQK baspasóz qyzmetine silteme jasap.
Aıta keter jaıt, bul aqshanyń bir bóligi qos túbi bar sómkede jasyrylǵan.
2022 jylǵy 25 qańtardan bastap qazirgi ýaqytqa deıin UQK Shekara qyzmeti 900 mıllıon teńgeden astam somaǵa deklaratsııalanbaǵan qolma-qol aqshany elden áketýdiń aldyn aldy.
UQK Shekara qyzmeti shetelge shyǵý kezinde quqyq buzýshylyqty boldyrmaý úshin QR qarjy zańnamasynyń talaptaryn saqtaý qajettigin eske salady.