Qos azamattyqpen Qazaqstanda turyp kelgen er adam elden qýyldy

PETROPAVL. QazAqparat – Soltústik Qazaqstan oblysynda «Mıgrant» jedel aldyn alý sharasy aıasynda eki adam el aýmaǵynan shyǵaryldy. Onyń bireýi qos azamattyqpen júrgen, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Taıynsha aýdanynda qos azamattyǵy bar Reseıdiń turǵyny anyqtalǵan.

Sot sheshimimen Qazaqstannyń zańyn buzǵan er adam el aýmaǵynan shyǵaryldy.

Zań buzýshylyq óńirde júrip jatqan «Mıgrant» jedel-aldyn alý is-sharasy aıasynda anyqtalǵan.

Jalpy kóshi-qon qyzmetiniń qyzmetkerleri 3 kún ishinde SQO-da basqa memleketterdiń azamattary tarapynan zań buzýdyń 45 deregin anyqtady.

Eki jaǵdaı Qazaqstannyń vızalyq rejımi belgilengen Germanııa jáne Túrikmenstan memleketteriniń turǵyndaryna qatysty.

Olar elde bolýǵa ruqsat etilgen merzimdi asyryp jibergen.

Sonymen qatar 38 soltústikqazaqstandyq 3 kún ishinde kóshi-qon qyzmetine sheteldikterdi qabyldaǵany týraly habarlamaǵany úshin jaýapkershilikke tartyldy.

«Mıgrant» jedel-aldyn alý is-sharasynyń maqsaty kóshi-qon zańnamasynyń buzylýyna jol bermeý. Polıtseıler bazarlarǵa, qurylys nysandaryna, fermalarǵa jáne basqa elderdiń azamattary bolýy jáne jumysqa ornalasýy múmkin oryndardy tekserý júrgizip jatyr. Sheteldik jumys kúshin zańsyz tartýdyń 5 faktisi anyqtaldy. Sondaı-aq is-sharany ótkizý kezeńinde QR-dan sot sheshimi boıynsha eki sheteldik shyǵaryldy», - deıdi SQO PD kóshi-qon qyzmeti basqarmasynyń bastyǵy Talǵat Ábilov.

Foto: polisia.kz