Qos azamattyǵy bar 518 adam Qazaqstan aýmaǵynan shyǵaryldy
«Konstıtýtsııaǵa sáıkes elimizde qos azamattyqqa jol berilmeıdi. Sondyqtan ishki ister organdary basqa memlekettiń azamattyǵy bar Qazaqstan azamattaryn anyqtaý boıynsha júıeli túrde is-sharalar qabyldaýda. Bul rette, «Qazaqstan Respýblıkasynyń azamattyǵy týraly» Zańǵa (21-bap) sáıkes, basqa eldiń azamattyǵyn alǵany týraly habarlaý mindeti sol adamnyń ózine júktelgen. Mundaı talaptardy oryndamaǵany úshin Ákimshilik quqyq buzýshylyq týraly kodekstiń 496-babynda jaýapkershilik kózdelgen», - dep atap ótedi mınıstrlikten agenttiktiń resmı saýalyna bergen jaýabynda.
Osy oraıda mınıstrlik Táýelsizdik alǵannan bastap qos azamattyǵy bar qansha adamnyń anyqtalǵany týraly aqparat joq ekendigin alǵa tartady.
«Degenmen, Qazaqstan Respýblıkasynyń azamattyq týraly zańnamasyn buzǵany úshin sońǵy bes jylda 3 515 (2018 jyly – 522, onyń ishinde 425-ine aıyppul salynyp, 97-si elden shyǵaryldy. 2019 jyly – 449, onyń ishinde 393-ine aıyppul salynyp, 56-sy elden shyǵaryldy. 2020 jyly – 585, onyń ishinde 543-ine aıyppul salynyp, 42-si elden shyǵaryldy. 2021 jyly – 1118, onyń ishinde 978-ine aıyppul salynyp, 140 elden shyǵaryldy. 2022 jyly - 841, onyń ishinde 703-ine aıyppul salynyp, 138 elden tys jerge shyǵaryldy) adam ákimshilik jaýapkershilikke tartyldy. Olardyń kóbisi – Reseı azamattary. Bul rette qos azamattyq faktileri anyqtalǵan barlyq adam Qazaqstan azamattyǵynan aıyrylady», - dedi vedomstvodan.