Qos azamattyǵy bar 233 adam anyqtaldy - QR UQK Shekara qyzmeti

ASTANA. QazAqparat – QR Ulttyq qaýipsizdik komıteti Shekara qyzmetiniń jyl basynan bergi jumys qorytyndysyn jarııalady, dep habarlaıdy QazAqparat.

QR UQK Baspasóz qyzmetiniń habarlaýynsha, Qazaqstan Respýblıkasy Ulttyq qaýipsizdik komıteti Shekara qyzmeti memleketimizdiń shekaralyq qaýipsizdigin qamtamasyz etý jumystaryn jalǵastyrýda.

2023 jyl basynan beri sheteldikter (Indııa, Nıgerııa, Tájikstan, Ózbekstan jáne Reseı azamattary) men QR azamattarynyń jasandy jáne ózge adamnyń qujattaryn paıdalanýynyń 150 faktisi áshkerelendi. Qos azamattyǵy bar 233 adam anyqtaldy.

Jalpy somasy 2,5 mlrd quraıtyn 300-den astam zańsyz valıýta aınalymynyń aldy alyndy.

Qarý-jaraq pen oq-dárilerdi ótkizbek bolǵan 153 árekettiń joly kesildi. Bul qylmystar boıynsha kúdiktiler ári qaraı tekserý úshin Іshki ister mınıstrligi men Memlekettik kirister departamenti aýmaqtyq bólimshelerine tapsyryldy.

«Odan bólek, QR kóshi-qon zańnamalaryn buzǵany úshin 8 myńnan astam adam ákimshilik jaýapkershilikke tartyldy»,-delingen habarlamada.