Kórshisiniń jertólesinde 26 jyl tutqynda otyrǵan aljırlik azamat tiri tabyldy

<p>ASTANA. KAZINFORM &ndash; Aljırdegi azamattyq soǵys kezinde 1998 jyly joǵalyp ketken Aljır azamaty 26 jyldan keıin kórshisiniń jertólesinen tiri tabyldy. Kórshi úılerdiń arasy birneshe mınýttyq jol, dep habarlaıdy<a href="https://www.aljazeera.com/news/2024/5/16/algerian-man-missing-for-26-years-found-captive-in-neighbours-cellar" target="_blank" rel="noopener"> Aljazeera.</a></p>

Eldegi Ádilet mınıstrligi ókilderi seısenbide Omar bın Omran nemese Omar B. dep atalatyn er adamnyń 19 jasynda joǵalyp ketkenin habarlady. Biraq ol Aljırdiń soltústigindegi Djelfadaǵy eski úıinen nebári 200 metr jerdegi kórshisiniń tutqynynda bolǵany anyqtaldy jáne osy aptanyń basynda 45 jasynda, úıme shóptiń artyna jasyrynǵan qoı qoradan tiri tabyldy.

Mınıstrlik «sumdyq» qylmysqa qatysty tergeý jalǵasyp jatqanyn jáne jábirlenýshige medıtsınalyq jáne psıhologııalyq kómek kórsetilip jatqanyn habarlady. Polıtsııa qashyp ketýge árekettengen 61 jastaǵy esik kúzetshisin (shveıtsar) «adam urlady» degen kúdikpen qolǵa alǵan. Urlyqtyń beti aǵaıyndylar arasyndaǵy muragerlik daý kezinde ashylǵan. Kúdiktiniń aǵasy áleýmettik jelide qylmysty áshkereleıtin aqparatty jarııalaǵan.

«12 mamyrda jergilikti ýaqyt boıynsha 20:00-de jábirlenýshi, 45 jastaǵy Omar ben Omran kórshisi 61 jastaǵy B.A.-nyń jertólesinen tabyldy», – dedi sot ókili.

Jábirlenýshiniń anasy 2013 jyly qaıtys bolǵan, al otbasy onyń «tiri bolýynan» úmit úzgen. Omran qutqarýshylarǵa keıde otbasyn alystan kóretinin, biraq esh habarlasa almaǵanyn málimdegen. Aıtýynsha tutqyndaýshy ony «sıqyrlap» qoıǵan.

Bın Omrannyń oqıǵasy eldegi kóptegen qupııanyń betin ashqandaı boldy. 1990 jyldary úkimetti ıslamshyl sodyrlarǵa qarsy qoıǵan soǵys kezinde 200 myńǵa jýyq adam qaza tapqan. Bul kezeńdi keıde Aljırdiń «Qara onjyldyǵy» dep te ataıdy.

SOS Disparus Aljır qaýymdastyǵy Soǵys kezinde tek 1992-1998 jyldar aralyǵynda shamamen 8000 aljırlik joǵalyp ketken dep esepteıdi.