Kórshiles elderden keletin adamdardy karantın baqylaýy kúsheıtildi - Erlan Qııasov

NUR-SULTAN. QazAqparat – QR Densaýlyq saqtaý vıtse-mınıstri – QR Bas memlekettik sanıtar dárigeri Erlan Qııasov koronavırýstyń taralýyna tosqaýyl qoıý boıynsha memlekettik shekaradaǵy sharalar týraly túsindirdi, dep habarlaı dy QazAqparat tilshisi.

«Eýropa, TMD elderinde syrqattanýshylyqtyń joǵarlaýyn eskere otyryp, áýe qatynasy qaıta ashylǵan elderden, sonymen qatar EAEO elderimen, Ózbekstan Respýblıkasymen avto ótý joldary arqyly keletin adamdardy sanıtarııalyq-karantındik baqylaýdy kúsheıtý jóninde sharalar qabyldanyp otyr», - dedi E. Qııasov Ortalyq kommýnıkatsııalar qyzmetinde.

Onyń sózine qaraǵanda, kelgen adamdar termometrııadan, saýalnamadan ótedi jáne COVID-19-ǵa tapsyrǵan sátten bastap úsh táýlikten aspaıtyn PTR test anyqtamasyn usynady. Anyqtama bolmaǵan jaǵdaıda kelgender COVID-19-ǵa tekserý júrgizý úshin karantın statsıonarynda eki táýlikke deıin oqshaýlanady.

«QR Bas memlekettik sanıtarlyq dárigeriniń qaýlysyna sáıkes, 2020 jylǵy 6 qazandaǵy saǵat 00:00-den bastap QR Memlekettik shekarasyn avtomobıldik ótkizý pýnktteri arqyly 33 600 elimizdiń azamaty men sheteldik, onyń ishinde 10 051 jolaýshy kesip ótti. 3 322 adam karantındik statsıonarlarǵa ornalastyryldy, onyń ishinde 60-ynan indet anyqtaldy. Halyqaralyq avıareıstermen 14 832 jolaýshy keldi, onyń 3 051-i testileýden ótti, 10 adamnan aýrý anyqtaldy», - dedi Erlan Qııasov.