«Kórshiden qashanǵy sút suraımyz» - baspasózge sholý
***
«Egemen Qazaqstan» gazetinde «Áleýmettik zertteý júrgiziledi» degen maqala kópshilik nazaryna usynylyp otyr. Keshe Qazaqstan Prezıdenti janyndaǵy Ortalyq kommýnıkatsııalar qyzmetinde «Qazaqstan azamattyq Alıansy» zańdy tulǵalar birlestiginiń atqarýshy dırektory Ildar Katenovtiń jáne «Demokratııa ınstıtýty» ǵylymı-zertteý qaýymdastyǵy» qoǵamdyq birlestiginiń dırektory ıÝlııa Kýchınskaıanyń qatysýymen brıfıng ótti. I.Katenov óz sózinde 26 sáýirde Qazaqstan ómirinde aıryqsha oqıǵa ótetinin tilge tıek ete kele, táýelsizdik alǵan jyldardan beri elimizde birneshe márte saılaý naýqany bolǵanyn jetkizdi. «Táýelsizdik alǵan jyldardan beri Qazaqstanda birneshe márte saılaý ótkizildi. Ár saılaý saıyn osy úderiske qatysýshylardyń saıası mádenıetiniń artqany ańǵarylady. Erkin jáne ashyq saılaý - qoǵamda demokratııany nyǵaıtýdyń kepili. Saılaý - ár azamattyń negizgi quqyǵy, ony paıdalaný arqyly memlekettiń budan arǵy damý baǵytyn aıqyndaýǵa bolady. Bul jaǵdaıda, ár azamat saılaý naýqanynan tys qalmaýy tıis», dedi I.Katenov. Búginde 500-den astam úkimettik emes uıymnyń basyn biriktiretin «Qazaqstan azamattyq Alıansy» memleket qyzmetine baǵa berip, túrli áleýmettik zertteý jumystaryn júrgizedi. «Biz úshin aldaǵy el Prezıdentiniń saılaýyn baǵalaý mańyzdy. Qazaqstannyń azamattyq Alıansynyń 2012 jyly Parlamenttiń Májilisi men máslıhat depýtattary saılaýynda saılaýaldy elektoraldy naýqanyn baqylaýda tájirıbesi bar. Bıyl da ótken saılaýdaǵydaı sol kúni saılaýshylar saılaý ýchaskelerinen shyqqannan keıin saýaldama júrgizip, áleýmettik zertteýler ótkizýdi kózdep otyr», - dedi óz sózinde atqarýshy dırektor.
Bas basylymda «Ótkenge taǵzym - bolashaqqa taǵylym» atty taqyryppen Parlament Májilisiniń depýtaty Orazkúl Asanǵazynyń kólemdi maqalasy berilgen. «ıAǵnı, biz endigi jerde ekonomıkamyzdy nyǵaıta otyryp, rýhanı turǵydan ózimizdi ózimiz tanýdy maqsat etemiz, sol arqyly syrtqy suraqtarǵa da jaýap beremiz. Olaı bolsa, Qazaq handyǵynyń 550 jyldyǵyn atap ótý - osyndaı birqatar máselelerdiń túıinin sheshetin, tól tarıhymyzdy kezeń-kezeńmen tezden ótkizetin dúbirli toı dep esepteımin. Sondyqtan memlekettik deńgeıde baqylaýǵa alyp, birqatar maqsattarǵa qol jetkizý úshin is-sharanyń mańyzy men nátıjesin belgili deńgeıde anyqtaıtyn alǵysharttardy iriktep alǵanymyz durys», - deıdi depýtat.
***
Astanada ótken azyq-túlik qaýipsizdigine arnalǵan konferentsııada Aýyl sharýashylyǵy mınıstri Asyljan Mamytbekov keptirilgen sút untaqtaryn «tabıǵı sút» retinde satatyndardy synǵa alyp, dúkenderdegi sútterdiń teń jartysy Reseıden ákelinetin arzan untaqtardan jasalatynyn, ony óndirýshiler sút qorabynyń syrtyna «tabıǵı sút» dep jazyp, tutynýshylardy aldap kelgenin aıtty. «Jaqynda ǵana Qostanaıdaǵy sút fermasy sút zaýyttary ónimin alýdan bas tartqandyqtan, 30 tonnaǵa jýyq tabıǵı sútti tógýge májbúr bolǵan. Óıtkeni zaýyttarǵa tabıǵı sútti satyp alǵannan góri, Reseıden ákelinetin arzan untaqty paıdalanyp, sony tabıǵı sút retinde saýdaǵa shyǵarý tıimdi bolyp otyr», - dep jazady «Aıqyn» gazeti búgingi sanynda jaryq kórgen «Kórshiden qashanǵy sút suraımyz» atty maqalasynda.
Osy gazette «Mustafa salǵan sara jol» atty maqala berilgen. Ústimizdegi jyldyń 12-18 mamyr aralyǵynda taekvondodan álem chempıonatynyń jalaýy jelbireıdi. Bul jarysqa álemniń 130 memleketinen kelgen 800-den asa sportshy qatysady dep kútilýde. Erler men áıelder arasyndaǵy básekede 16 medaldar jıyntyǵy sarapqa salynady. Baq synaýshylar qatarynda Qazaqstannyń ulttyq qurama komandasy da bar.
«Sońǵy eki álem chempıonaty 2011 jyly Ońtústik Koreıanyń Kendjý jáne 2013 jyly Meksıkanyń Pýebla-de-Saragosa qalalarynda ótti. Ókinishke qaraı, bul jarystarda jerlesterimiz jeńis tuǵyryna kóterile almady. Endi Reseıdegi básekede sol olqylyqtyń orny tolady dep úmittenemiz. Sebebi, alty qyrdyń astynda Rıo-De-Janeıro Olımpıadasy menmundalap tur. Ǵalamdyq dodada otandastarymyzǵa ázirge bir ǵana júlde buıyrdy. 2008 jyly Beıjińdegi básekede Arman Shylmanov qola medaldi keýdesinde jarqyratty. Endi álem chempıonaty men Olımpıada oıyndarynda qaıta atoı salatyn kez keldi. Sol jeńisti jol Chelıabiden bastaý alsa, tipten keremet bolar edi...», - dep jazady maqala avtory.
***
«Ekspress K» gazetiniń búgingi sanynda « Ýrokı v kaıf » degen materıal basyldy. Óskemende 16 jastaǵy kolledj stýdenti partada otyryp, esirtki saýdalaǵany úshin ustalǵan bolatyn. Atap aıtqanda operatsııa barysynda kúdikti sabaq ústinde aýdıtorııada tutqyndaldy. Onyń úıin tintý kezinde de esirtki men geroın ólshegen elektrondy tarazy tabyldy. Sot esirtki saýdalaǵan stýdentti erekshe tártiptegi tárbıeleý kolonııasynda on jylǵa bas bostandyǵynan aıyrý úkimin shyǵardy.