Kórshi elderden jetkizilgen ruqsatsyz ónimder keri qaıtaryldy - mınıstrlik
«Qyrǵyzstan men Reseıden ákelinetin jáne tranzıtteletin ónimderge qatysty tıimdi karantındik fıtosanıtarııalyq baqylaý júrgizý máselesi ózekti bolyp otyr. Utqyr toptar qurýdyń arqasynda 2017 jylǵy qazannan bastap Qyrǵyzstan aýmaǵynan karantınge jatqyzylǵan 4,2 myń tonna ónim tasymalynyń joly kesildi. Qabyldanyp jatqan sharalarǵa qaramastan, zańsyz tasymal kópshilik jaǵdaıda mejeli orynda nemese satý oryndarynda bir-aq anyqtalýda», - dedi A. Qadjybekova veterınarııalyq jáne fıtosanıtarııalyq qaýipsizdik máselelerine arnalǵan dóńgelek ústel otyrysynda.
Onyń sózine qaraǵanda, Reseı Federatsııasymen jáne Qyrǵyz Respýblıkasymen shekaralas aımaqtarda turaqty karantındik fıtosanıtarııalyq baqylaýdyń bolmaýy talaptarǵa saı kelmeıtin karantınge jatqyzylǵan ónimderdiń ruqsatsyz tasymaldanýyna jol ashýda.
«Bıyl atalǵan elderden karantınge jatqyzylǵan ónimderdi tasymaldaý barysynda ósimdikter karantıni salasynda Eýrazııalyq ekonomıkalyq odaq jáne Qazaqstan Respýblıkasy zańnamalaryn buzýdyń 934 jaǵdaıy anyqtaldy. Sonymen qatar, osy aralyqta úshinshi elderden karantınge jatqyzylǵan ónimderdi ákelý kezinde 2 164 buzýshylyq anyqtalǵandyǵyn aıta ketý kerek. Bul turǵyda Ózbekstannan ótinim jetkizýde atalǵan kemshilikter oryn alýda. Shekarada turǵan ınspektorlar osy ónimderdi der kezinde keri qaıtaryp jatyr», - dedi komıtet basshysy.