Kórshi elder sý jibermegen soń Shardarada sý deńgeıi 5 ese azaıyp ketti

TÚRKІSTAN. QazAqparat - Shardara sý qoımasyndaǵy sý deńgeıi 5 ese azaıyp ketti, dep habarlaıdy QazAqparat tilshisi.

Shardara sý qoımasyndaǵy sý deńgeıi tómendep barady. Qazirgi kezde sýdyń kólemi bes ese azaıyp ketken.

Mamandar bul máseleni qoımaǵa keletin sý kóleminiń tómendeýimen baılanystyryp otyr. ıAǵnı, kórshiles elderden keletin sýdyń azaıýynan qajetti sý qory jınalmaǵan.

«Jalpy Shardara sý qoımasynyń syıymdylyǵy - 5 mlrd 200 mln tekshe metr. Búgingi kúni munda 816 mln tekshe metr sý bar. Al, ótken jyly osy merzimde 1 mlrd 289 mln tekshe metr sý bolǵan. Qazirgi kezde Qyzylqum kanalyna sekýndyna - 10 tekshe, Syrdarııaǵa - 100 tekshe sý jiberilip jatyr» - dedi «QazSýShar» RMK Túrkistan fılıaly Shardara bólemshesi bastyǵynyń orynbasary Ermek Isa.

Ózekti másele jóninde oblys ákimdigi strategııalyq nysanǵa jaýapty sý resýrstary komıteti men Ekologııa jáne tabıǵı resýrstar mınıstrligin der kezinde habardar etken.

Mınıstrlik tarapynan kórshi eldermen kelissóz júrgizilip, shekti deńgeıge jetkizbeýdiń amaldary jasalyp jatyr.

Sonyń nátıjesinde qyrkúıek aıynda sýdyń mólsheri kóbeıedi degen boljam jasalyp otyr.

Aıta ketetini, sý qoımasy 1966 jyly salynǵan jáne kólemi boıynsha elimizde úshinshi orynda.