Qorshaǵan ortany qorǵaý mınıstrliginiń jańa qyzmetkerleri ant qabyldady
Mınıstrlik ujymy jáne vedomstvoǵa qarasty mekemeler men qoǵamdyq uıymdardyń ókilderi aldynda Qorshaǵan ortany qorǵaý mınıstri Nurlan Qapparov sóz sóıledi.
Óz sózinde N.Qapparov jańa memlekettik merekeniń Qazaqstan halqynyń óz Kóshbasshysyna degen qoldaýyn beıneleıtindigin atap ótti. Ol Elbasynyń táýelsiz Qazaqstannyń qalyptasýy men damýyndaǵy erekshe róli týraly aıtty.
Qazaqstannyń damý kezeńderi men elimizdiń halyqaralyq deńgeıdegi róliniń ósýi jóninde málimdeı otyryp, mınıstr elimizdiń árbir jetistigin Elbasy Nursultan Nazarbaevtyń tynymsyz izdenis pen udaıy eńbeginiń nátıjesi dep qabyldaý kerektigi týraly aıtty.
Saltanatty jınalys barysynda mınıstrlik pen úkimettik emes uıymdardyń ozat ókilderin «Ekologııa salasynyń úzdigi» jáne qurmet gramotalarymen marapattaý rásimi ótkizildi.
Sonymen qatar mınıstrliktiń jańa qyzmetkerleriniń memlekettik qyzmetkerdiń antyn qabyldaý saltanaty bolyp ótti.
Jınalys sońynda N.Qapparov mınıstrliktiń, aımaqtyq departamentterdiń jáne baǵynysty uıymdardyń qyzmetkerleri Elbasynyń qoıǵan mindetterin júzege asyryp, Qazaqstan halqynyń ıgiligi úshin elimizdiń ekologııalyq jaǵdaıyn jaqsartýǵa kúsh-jigerlerin salatyndyǵyna zor senimdiligin bildirdi.