Qorshaǵan ortany qorǵaý mınıstrligi qurylymynda jemqorlyq áreketter áli kúnge deıin bar - Bas prokýratýra
Degenmen, osy salada jemqorlyq áreketter áli kúnge deıin bar. Búgin «Nur Otan» HDP janyndaǵy Sybaılas jemqorlyqpen kúres jónindegi keńestiń kezekti otyrysynda QR Bas prokýrorynyń orynbasary Askar Sekishev osylaı aıtty.
Onyń habarlaýynsha, búginde qorshaǵan ortany qorǵaý salasynda osy qyzmetke múldem qatysy joq azamattar jumys istep jatyr. Osylaısha, Soltústik Qazaqstan oblystyq ekologııa basqarmasynyń bastyǵy qyzmetin Kenjeǵozın degen azamat atqarǵan. Ol - aýyl sharýashylyǵy salasynyń mamany. Sol sııaqty Orazalınov ta qarjy salasynda istep, eshbir ekologııalyq eńbek ótili bolmaı, basshy qyzmetine taǵaıyndalǵan. Olardyń ekeýi de sybaılas jemqorlyq áreketteri úshin sottalǵan.
«Al oblystyq fılıalda qyzmet atqarǵan Osmanova men Belýshkınanyń joǵary bilim joq bolyp shyqty. Olarda Halyqaralyq akademııanyń joǵary bilim týraly jalǵan kýálikteri anyqtaldy. Jalpy, Qorshaǵan ortany qorǵaý mınıstrliginiń jemqorlyqpen kúres jumystary Prezıdent janyndaǵy Sybaılas jemqorlyqqa qarsy kúres máseleleri jónindegi komıssııasynyń 2010 jylǵy otyrysynda, sondaı-aq 2011 jyly mınıstrliktiń ishinde de talqylanǵan bolatyn. Árıne, bul jumystardyń naqty nátıjesi de joq emes. Degenmen, vedomstvo qurylymynda jemqorlyq áreketter áli kúnge deıin bar. Olardyń basym bóligi san alýan sheshimderdi shyǵarý barysynda jeke jáne zańdy tulǵalardyń múddesin kózdeýmen baılanysty», - dep atap kórsetti A.Sekishev.