Qorshaǵan ortany qorǵaý: «Elim-aı» II respýblıkalyq syılyǵyna ótinim qabyldaý bastaldy

NUR-SULTAN. QazAqparat - 10 tamyzda qorshaǵan ortany qorǵaý salasyndaǵy «Elim-aı» II respýblıkalyq syılyǵyn taǵaıyndaý boıynsha baıqaýǵa ótinim qabyladý bastaldy, dep habarlaıdy QazAqparat QR Ekologııa mınıstrligine silteme jasap.

2021 jyldyń 10 qyrkúıegine deıin jalǵasatyn baıqaý aıasynda Ekologııa jáne bıoalýantúrlilikti qorǵaý salasyndaǵy zańdy jáne jeke tulǵalar óz nomınanttaryn ártúrli sanattar boıynsha usyna alady.

«Elim-aı» syılyǵyn «Respýblıka-Óńir-Damý» qoǵamdyq qory taǵaıyndaǵan jáne ol 2020 jyldan bastap QR Ekologııa, geologııa jáne tabıǵı resýrstar mınıstrliginiń qoldaýymen ótkiziledi.

Syılyq jyl saıyn qorshaǵan ortany qorǵaýǵa eleýli úles qosqan zańdy jáne jeke tulǵalarǵa tabıǵatty utymdy paıdalanǵany, tabıǵatty qorǵaý maqsatyndaǵy ǵylymı qyzmeti úshin beriledi.

Arnaıy qurylǵan komıssııa usynylǵan qujattardy qaraıdy jáne syılyq alýǵa úmitkerlerdi irikteıdi.

Baıqaý nátıjeleri 2021 jylǵy 19 qyrkúıekte Halyqaralyq ormanshylar qyzmetkerleri kúni jarııalanady.

Syılyqty marapattaý rásimi QR Orman sharýashylyǵy qyzmetkerleri kúni qarsańynda - qazannyń úshinshi jeksenbisinde ótedi.

Baıqaý jeńimpazdary kelesi nomınatsııalar boıynsha marapattalady:

- Janýarlar dúnıesin qorǵaý jónindegi úzdik ınspektor;

- Úzdik ormanshy;

- Úzdik balyq ósirýshi;

- Eń jaqsy panajaı;

- Úzdik ulttyq park;

- Úzdik qoryq;

- Úzdik volonter;

- Tabıǵatty qorǵaý týraly úzdik jýrnalıstik materıal;

- Janýarlarǵa arnalǵan eń jaqsy baspana;

- Jasyl qala.

Laýreattar «Elim-aı» syılyǵynyń ataýly músinshelerimen, dıplomdarmen jáne baǵaly syılyqtarmen marapattalady.