Qorshaǵan ortany qorǵaýǵa jumsalatyn qarajat 37% ósti

<p>ASTANA. KAZINFORM — Byltyr qorshaǵan ortany qorǵaýǵa jumsalǵan qarajat 37,2% ósti. Bul jaıynda ulttyq statbıýrodan habarlandy. </p>

2023 jyly qorshaǵan ortany qorǵaýǵa jumsalǵan shyǵyn 610 mlrd teńgege jetti. Bul 2022 jylmen salystyrǵanda 37,2% artyq (444,5 mlrd teńge).

Shyǵynnyń eń úlken kólemi Aqmola oblysynda tirkeldi — 127,7 mlrd teńge, bul — jalpy kólemniń 20,9 paıyzy. 

Odan keıin Atyraý (89,1 mlrd teńge), Pavlodar (59,4 mlrd teńge) jáne Aqtóbe (51,2 mlrd teńge) oblystary.

Tabıǵat qorǵaý qyzmetine jumsalǵan eń tómengi shyǵyndar Jetisý oblysynda — 1,5 mlrd teńge.

Tabıǵat qorǵaý shyǵynynyń edáýir úlesi (97,2%) ónerkásip kásiporyndary tarapynan bolǵan.

Tabıǵatty qorǵaý qyzmetiniń túrleri boıynsha energııa únemdeý tehnologııasyna jáne energııa tıimdiligin arttyrýǵa (jańartylatyn energııa kózderin qosa alǵanda) jumsalǵan shyǵyn jalpy kólemniń 33,2% qurady. 

Qaldyqtardy basqarýda — 21,6%, atmosferalyq aýany qorǵaý jáne klımat ózgerý problemalarynda — 20%.